મુંબઈની મુસ્લિમ યુવતી શબનમ મુંબઈથી અયોધ્યાની યાત્રાએ નીકળી છે. આ પ્રવાસમાં શબનમની સાથે તેના મિત્રો રમણ રાજ શર્મા અને વિનીત પાંડે પણ છે. આ તમામ 1,425 કિલોમીટરની યાત્રા પગપાળા જ પૂર્ણ કરશે.
મુસ્લિમ હોવા છતાં, શબનમ ભગવાન રામ પ્રત્યે અતૂટ ભક્તિ ધરાવે છે. તે ગર્વથી કહે છે કે ભગવાન રામની પૂજા કરવા માટે હિન્દી હોવું જરૂરી નથી. એક સારી વ્યક્તિ બનવું એ જ મહત્ત્વનું છે. શબનમ 25-30 કિલોમીટરનું અંતર કાપીને હવે મધ્યપ્રદેશના સિંધવા પહોંચી છે. આ તીર્થયાત્રા દરમિયાન તેમને જે થાકનો સામનો કરવો પડે છે તેના વિશે ત્રણેય યુવાનોએ કહ્યું કે રામ પ્રત્યેની તેમની ભક્તિ તેમને પ્રેરણા આપે છે. આ ત્રણેય સોશિયલ મીડિયા પર ખૂબ ફેમસ થઈ ગયા છે, તીર્થયાત્રાના રસ્તે જે પણ તેમને મળે છે તે તેમની તસવીરો સોશિયલ મીડિયા પર અપલોડ કરી રહ્યાં છે.
શબનમે કહ્યું કે, ભગવાન રામ દરેકના હૃદયમાં છે, પછી ભલે તેનો ધર્મ કે જાતિ હોય. આ લાંબી યાત્રા દરમિયાન શબનમ એ પણ સાબિત કરવા માંગે છે કે આવા પડકારોને માત્ર છોકરાઓ જ નહીં પરંતુ છોકરીઓ પણ ઉઠાવી શકે છે. શબમનને સુરક્ષા આપવા ઉપરાંત તેના ભોજન અને અન્ય વસ્તુઓની વ્યવસ્થા કરવામાં પણ પોલીસે મહત્વની ભૂમિકા ભજવી છે. પોલીસે મહારાષ્ટ્રના સંવેદનશીલ વિસ્તારોમાં તેમની સુરક્ષાનું ધ્યાન રાખ્યું હતું અને મુશ્કેલ પરિસ્થિતિઓમાં તેમને મદદ કરી હતી. શબનમે સ્પષ્ટતા કરી કે તેના અયોધ્યા આવવાની કોઈ નિશ્ચિત તારીખ નથી.