હિન્દુ ધર્મમાં રામસેતુનું મહત્વ વિશાળ છે. કન્યાકુમારીથી શ્રીલંકાની વચ્ચે આવેલ આ સેતુને એડમ બ્રિજ તરીકે પણ ઓળખવામાં આવે છે. યૂરોપિયન સ્પેસ એજન્સીએ રામસેતુની એક શાનદાર સેટેલાઈટ તસવીર શેર કરી છે, જે કોપરનિક્સ સેંટિનલ-2 સેટેલાઈટ દ્વારા લેવામાં આવી છે.
રામસેતુ રામેશ્વરમથી શ્રીલંકાના મન્નાર દ્વીપ સુધી 48 કિમી લાંબો છે. હિન્દુ માન્યતાઓ અનુસાર, રામાયણમાં શ્રી રામે લંકા પર આક્રમણ કરતી વખતે પોતાની વાનર સેનાથી આ પુલ બનાવડાવ્યો હતો.
એડમ બ્રિજ તરીકે ઓળખાતા આ પુલને ઇસાઈ ધર્મમાં માન્યતા છે કે આદમે બનાવ્યો હતો. નાસાએ પણ તેની તસવીરો શેર કરી છે, જેનાથી વૈજ્ઞાનિકોનું ધ્યાન આ તરફ ગયું. કેટલાક પુરાતત્વવિદોના મતે, આ પુલના પથ્થરો અંદરથી ખોખલા અને નાના છિદ્રવાળા હોવાથી પાણીમાં તરે છે.
વિજ્ઞાનીઓના માનવા પ્રમાણે, આ પુલ 500 વર્ષ પહેલા સમુદ્રની ઉપર હતો, પરંતુ પ્રાકૃતિક આપદાઓ અને ગ્લોબલ વોર્મિંગના કારણે તે તૂટી જવા પામ્યો અને પાણીની નીચે ડૂબી ગયો. 2005માં, યૂપીએ સરકારના સમયમાં આ વિસ્તારમાં ચેનલ બનાવવાની યોજના હતી, જેને કારણે રામસેતુના ભાગ તોડવાનો વિચાર હતો, પરંતુ ભારે વિરોધના કારણે તે થવા ન પામ્યું હતું.
Gam no choro | Gujarati news | gujarati short stories | Gujarat news | Gujarat