ઉત્તરપ્રદેશના હાથરસ નજીક આવેલ કૂલરાઈ ગામે એક સત્સંગ દરમિયાન નાસભાગ મચી ગઇ. જેમાં 122 લોકોના મોત થયા હોવાના અહેવાલ મળી રહ્યા છે. આ બનાવ વિશે મળતી માહિતી પ્રમાણે સત્સંગ પૂરો થતાં લોકો એકસાથે બહાર નીકળી રહ્યા હતા, ત્યારે હોલનો દરવાજો નાનો હોવાથી પહેલા બહાર નીકળવામાં નાસભાગ મચી ગઈ હતી, જેના કારણે લોકો એકબીજા પર પડ્યા. જેમાં મોટાભાગની મહિલાઓ અને બાળકો હતા. હાલ 122 લોકોના મોત જ્યારે 150થી વધુ શ્રદ્ધાળુઓ ઘાયલ થયા હોવાના અહેવાલ છે!
સીએમ યોગી આદિત્યનાથ બુધવારે હાથરસ જશે. હાથરસ પહોંચ્યા બાદ તેઓ મૃતકોના પરિવારજનોને મળશે અને અકસ્માતમાં ઘાયલ થયેલા શ્રદ્ધાળુઓની હાલત જાણશે. માહિતી મળ્યા બાદ વહીવટી અધિકારીઓ ઘટનાસ્થળે રવાના થઈ ગયા છે. હાથરસના ફુલેરાઈ મુગલગઢીમાં આ સત્સંગનું આયોજન કરવામાં આવ્યું હતું. આ સત્સંગ સાકાર નારાયણ વિશ્વ હરિ ભોલે બાબાનો કહેવામાં આવી રહ્યો છે. કહેવામાં આવી રહ્યું છે કે ઉપદેશ પૂરો થયા બાદ બાબાના ચરણ સ્પર્શ અને તેમના આશીર્વાદ લેવાને કારણે નાસભાગ મચી ગઈ હતી.
મુખ્યમંત્રીએ હાથરસ દુર્ઘટના પર શોક વ્યક્ત કર્યો છે અને સંપૂર્ણ તપાસના આદેશ આપ્યા છે. દરેક મૃતકને 2 લાખ રૂપિયા અને ઘાયલોને 50 હજાર રૂપિયાની આર્થિક સહાય આપવાના નિર્દેશો પણ આપવામાં આવ્યા છે. કાર્યક્રમના આયોજકો સામે એફઆઈઆર દાખલ કરવામાં આવશે અને સરકાર મોટી કાર્યવાહીની તૈયારી કરી રહી છે.
એસએસપી એટા રાજેશ કુમાર સિંહે આપેલી પ્રથમ માહિતીમાં જણાવવામાં આવ્યું હતું કે નાસભાગમાં લોકોના મોત થયા છે. પોસ્ટમોર્ટમ માટે 40 મૃતદેહો આવ્યા છે, જેમાં 23 મહિલા, 3 બાળકો અને એક પુરુષ છે. હાથરસ અકસ્માતની તપાસ માટે એક સમિતિની રચના કરવામાં આવી છે. ADG આગ્રા ઝોનના નેતૃત્વમાં એક સમિતિ આ મોટી દુર્ઘટનાની તપાસ કરશે. અલીગઢ કમિશનર પણ તેની તપાસ કરશે.
વહીવટીતંત્રની બેદરકારીને કારણે આટલો મોટો અકસ્માત થયો છે. અનુમતિથી વધુ સંખ્યામાં ભક્તોના ધસારાને કારણે અહીં અરાજકતા સર્જાઈ હતી. વહીવટીતંત્ર દ્વારા કોઈ નક્કર વ્યવસ્થા કરવામાં આવી ન હતી. પોલીસની મોટી બેદરકારી પણ સામે આવી છે.
Hathras | Satsang stampede | Yogi Adityanath | Uttar Pradesh | Women and children deaths | Hathras disaster | Gam no choro | Gujarati news | news | Gujarat