રાજકોટના ગેમઝોનની અગ્નિ કાંડની ઘટનાના સમાચાર સાંભળી સૌની આંખો નમ થઈ હતી, રાજકોટ ગેમ ઝોનની આ ઘટના માટે જવાબદારો સામે સરકારે પોલીસ ફરિયાદ નોંધાવ્યા બાદ સીટની તપાસ શરૂ થતાંની સાથે જ રાજકોટના 6 અધિકારીઓને તાત્કાલિક અસરથી સસ્પેન્ડ કરવામાં આવ્યા છે.
મુખ્યમંત્રી ભૂપેન્દ્ર પટેલે ગઈકાલે રાજકોટ ગેમ ઝોન અકસ્માત સ્થળની મુલાકાત લઈને તેનું નિરીક્ષણ કર્યું હતું અને આ ગંભીર ઘટના માટે જવાબદારો સામે કડક શિક્ષાત્મક પગલાં લેવા નિર્દેશ આપ્યા હતા, ત્યારબાદ રાજ્ય સરકારે 6 અધિકારીઓને તાત્કાલિક અસરથી સસ્પેન્ડ કરવાનો આદેશ કર્યો છે.
રાજકોટમાં TRP ગેમઝોન આગ અકસ્માતના સંદર્ભમાં, રાજ્ય સરકારે જરૂરી મંજૂરી વિના આ ગેમઝોન શરૂ કરવા માટે ઘોર બેદરકારી અને બેદરકારી બદલ પોલીસ, મ્યુનિસિપલ કોર્પોરેશન અને રોડ વર્કસ વિભાગના 6 અધિકારીઓ સામે કડક શિક્ષાત્મક પગલાં લેવાનો નિર્ણય લીધો છે .
આ આગમાં સત્તાવાર રીતે 28 લોકોના મોત થયા છે જ્યારે બિનસત્તાવાર રીતે મૃત્યુઆંક 32થી વધુ હોવાનું કહેવાય છે.